تخيل لو: صحيت في يوم ولقيت نفسك لوحدك ومفيش حد غيرك على كوكب الأرض .. هتعمل إيه؟

كتبت: أية صالح

• أحمد عصام: هيبقي أسعد يوم في الدنيا .. أصل الحياة مع الناس بقت صعبة جدًا، الراحة في اعتزال الناس.

• عمر محمود: أولا دي حاجة عمرها ما هتحصل، بس تخيلتها ولقيت نفسي لوحدي ففي الأول فرحت بقي إن مفيش حد غيري، والمحلات كلها فاضية، وألبس براحتي، وألعب “بلاي ستيشن”، وأركب عربيات جامدة؛ بس في الآخر بعد ما استمتعت بكل ده؛ حسيت بالوحدة، وزهقت.. فكرت إني أموِّت نفسي، بس حرام فهفضل عايش لحد ما يجي أجلي أو ألاقي ونيس معايا.

• محمود أحمد: هتبقى أحلى حاجة في الدنيا، لأني هنزل أجري في الشارع، و أرن الجرس على كل بيت وأجري براحتي؛ ما هو محدش هيفتح بقى، وهروح محلات الأكل واللبس وهاخد اللي أنا عايزُه.

• عمر مجدي: لو مفيش مخلوق على الأرض، ومفيش فرصة إن يبقي فيه حد، هفضل أعبد ربنا، وأتقرّب له لحد ما أموت.